Diahuebs atardi dos cabayero riba un brommer preto a dal varios auto den Wilhelminastraat y Caya. A mobilisa polisnan pa busca e brommer aki pa wak kico ta pasando, y den area di warda di Playa e brommer casi a dal riba auto di polis, y aki ta unda e motociclista a dal abou.
Ambos a lanta y ranca un careda core den caya y perde. Tabatin un oficial a core nan tras na pia pero a perdenan for di bista. E brommer y e helm cu a keda benta abou a keda tuma den beslag pa autoridad. Departamento forensico tambe a presenta na e sitio pa asina tuma evidencianan y start un investigacion.