Tin dos sistema tropical cu ta avansando direccion di Caribe for di Atlantico. Esaki ta un informacion suministra door di Centro Nacional di Horcan (NHC).
E sistema mas cerca di Caribe, cu probablemente ta yega na Antianan Menor diaranson anochi, ta produciendo basta yobida y strena..
Awe e ta situa na 850 miya (1.367 km) oost di Antianan Menor y ta posibel algun desaroyo lento pa final di siman y e proximo fin di siman. Di otro banda, e sistema ta move west pa west/ northwest na un velocidad di 15 pa 20 miya pa ora (24 pa 32 km pa ora). Pues hopi lento ainda.
E chens cu e por bira un horcan den 48 ora di tempo ta apenas 30% y e pronostico den cinco dia ta cu e chens pa e bira un horcan ta bira 40%.
Mas leu di e islanan di Caribe ta un otro sistema tropical cu tan a 800 miya zuidwest di islanan di Cabo Berde, cu a bin ta formando desde dialuna. Ta posibel un crecemento pero lento den e proximo dianan mientras cu e ta move pa west northwest na 20 miya pa mira.
Esaki su chens pa bira un horcan pa awo ta masha tiki.
Pronostico di tempo
Pronostico di tempo valido te diaranson 30 di juni 2021, 18:00 ora ta como lo siguiente. Awe anochi: parcialmente nubla y generalmente seco, den marduga y mañan: parcialmente nubla cu un awacero pasahero. Temperatura maximo 33 grado Celsius y temperatura minimo 27 grado Celsius.