Diamars mainta dos scol na Paradera mester a cera nan porta debi na e problema di huma cu e presenta ayera na Tamarijn. E dos scolnan aki a keda afecta pa cual aki directora di Colegio Pastoor Kranwinkel, sra. Leung a splica cu desde ayera caba nan ta cu e huma. Awe e situacion ta mesun cos. Tin hopi problema di klas 1 caba, cu ta ubica caminda cu e biento ta bin direct. A haya hopi keho di tempran caba. E ta bin di tur caminda y e holo a drenta den e klasnan. Ta un holo insoportabel cu no por a wanta e muchanan mas.
Den un caso asina erg, ta prome biaha a pasa den esaki.
Leung a splica cu ta haya last di huma, pero e biaha aki tabata manera cu mester a dicidi pa tuma contacto cu SKOA y nan a ripara cu esaki ta algo alarmante. A haya bishita di e directora di SKOA y el a constata berdad cu e huma ta hopi fuerte. Asina a yama tambe brandweer. Nan tambe a bin y tambe a constata cu e huma ta basta pisa y no ta saludabel pa e muchanan.
Te asina leu scol lo bay ta cera tanto diaranson como diahuebs. Mayornan mester keda pendiente via e pagina di facebook di scol y tambe nan lo haya sa den prensa.