Ta mustra cu situacion na prizon ta bira uno alarmante pa loke ta e parti di siguridad unda un biaha mas preso ta huy. —Cuerpo Policial ta informa— 00.59 melding ta drenta for di KIA cu for di Jeugd afdeling e detenidonan:
RAMIREZ Jorge Antonio, 15-08-1999 y
RAMIREZ Joander Anthony Alexander 23-09-2000 a huy.
Mester remarca cu ambos detenido ta sintando un condena pa atraco.
Mesora a cuminsa mobilisa tur autoridad necesario pa e buskeda di dicho personanan.
Mester remarca cu cualkier ayudo brinda na dicho persona ta castigabel pa nos codigo penal.
Articulo 2:146 di nos codigo penal ta papia di esun cu libera of juda na liberacion di un persona cu tin un castigo di prison ta castigabel cu maximo 4 aña di prison.
Pa es motibo ta urgi pueblo di Aruba cu si bo por sa algo di nan paradero of e sitio cu nan ta scondiendo jama nos tiplijn 11141. Bo anonimidad ta wordo garantisa.