TEHRAN, Iran – Dos piscado Irani a graba nan impactante encuentro cu un tribon bayena, Whale shark of tiburon ballena, manera cu e ta wordo traduci, cu a acerca nan embarcacion, loke cu a genera e descontento di varios internauta cu a acusa nan di maltrato animal. Ora cu e pisca gigante aki a aproxima e barco, un di e piscadonan a bula riba su lomba y a cana riba su cabes, mientras cu e animal tabata drief, manteniendo e ekililbrio mescos cu e ta surf, e corant “The Evening Standard” a informa.
Manera cu por a aprecia riba e video, e di dos piscado a sigui e ehempel di su compañero y a subi riba e tribon, aunke solamente pa algun seconde, ya cu e pisca a cuminsa na aleha.
E video a wordo publica pa un di e piscadonan riba su cuenta di Instagram, a viralisa di biaha, desatando e critica di parti di e internautanan, cu a acusa e hobennan di maltrata e animal.
Aunke mayoria di e usuarionan ta culpa e piscadonan di a causa stress na e tribon, no tur a considera cruel e actitud di e hobennan. “Mi ta kere cu ta genial. Si e bayena no tabata kier tin nan riba dje, ya e lo a duik bay abao,” un internauta a comenta, cita pa e corant.
E tribon bayena ta supera den tamaño cualkier otro tribon y por crece te na 12 meter di largura, alcansando un peso di casi 12 ton, Tehran Times a indica.