E Centro di Rescate y Cordinacion di Wardacosta a haya un yamada diahuebs anochi di famia di dos piscado cu ta perdi riba lama. E dos piscadonan a sali cas diahuebs mainta cu nan boto Rubia, pa regresa cas bek diahuebs atardi pa 4:30pm. E famia di e piscadonan a tuma contacto cu Wardacosta pa haci un yamada pa un busceda y rescate di nan famia riba lama. Wardacosta a dirigi e avion Dash y un Metal Shark mesora direccion di e supuesto localidat di e boto Rubia, pero lamentablemente ningun di e unidadnan no a encontra e boto. Awe mainta y awe merdia e avion Dash a bolbe hasi un vuelo di busceda riba lama pa encontra e dos piscadonan perdi. Den e buskeda Wardacosta ta haya colaboracion di Search and Rescue Foundation Aruba cu ta bai yuda cu un avion civil.
Locual ta hasi e buskeda un reto ta e hecho cu e condiccion di laman ta basta malo. E lama ta bruto cu hopi biento y olanan halto. E Sentro di Rescate y Cordinacion di Wardacosta a saca un notificacion pa barconan riba laman tambe tin un ‘sharp lookout’ pa e boto perdi. Wardacosta y e partnernan cu ta colabora ta haci tur posibel pa logra localisa e piscadonan perdi riba lama.