Diasabra atardi informe a drenta cu e boto local Cachicami a sali for di Aruba 8’or di mainta pa bay Venezuela y no a yega bek. Normalmente e boto ta dura 3 pa 4 ora pa asina bin bek Aruba pero e biaha aki nan no a regresa bek.
Hendenan tabata preocupa pa e dos cabayeronan den e boto di Tanto fam H y R. Segun e radar cu e boto a logra drenta awateritorial di Venezuela pero nada di comunicacion cu nan. Di biaha a notifica kustwacht Curacao pa asina coordina e rescate aki y tabatin un avion den halto cu di biaha a cuminsa cu a buskeda.
Pero un boto piscador di Venezuela yama Mama Olga a topa cu ‘ Cachicami ‘ cu e dos hombernan por lo menos 10 miya pazuid di Aruba y a townan pa Aruba. Na caminda Kustwacht di Aruba a tuma e tow over y pa 11:47 pm tur hende tabata sano y salbo na Aruba. Douanne a tira un control tambe riba e boto. Problema cu motor nan a haya riba lama cu a pone cu no tabatin forsa mas via e motor pa bin bek Aruba.