PORTO ALEGRE, Brazil- Al menos dos persona a perde nan bida y 28 mas a keda herida diadomingo marduga. Esaki a sosode den un tiroteo cu a keda registra den un fiesta den un bar na Porto Alegre, capital di Rio Grande do Sul.
E incidente a tuma luga ora cu cuater homber arma a drenta den e bar durante un baile di musica funk, caminda tabata celebrando un cumpleaños den bar.
E agresornan a yega na e establecimento den un truck y a duna ordo na e personanan presente cu tabata cerca di e entrada, pa nan drumi abao na suela, pa despues tira nan.
Un hoben di 21 aña y un muhe kende su edad no a wordo revela a muri mesora den e bar, mientras cu 28 persona a sufri heridanan di gravedad, y a wordo transporta pa hospital.
Investigadonan responsabel pa e investigacion ta traha cu e hipotesis cu e atake arma tabata door di un guera entre dos grupo rival pa e control di trafico di droga na Gravatai, Porto Alegre.
Fuente : http://www.noticiasrcn.com