Dos persona a perde nan bida den un accidente di avioneta na Perth, Australia na momento cu un multitud tabata celebrando Australia Day.
E piloto Peter Lynch, 52, y su compañera Endah Cakrawati, di 30 aña, tabata e unico ocupantenan di e avion, segun autoridadnan a informa.
Un celebracion anual cu ta inclui show di vuurwerk, cu anualmente ta atrae 300 mil persona, a wordo cancela.
Sr. Lynch tabata tata di tres yiu y tabata labora como un Ehecutivo Minero. Sra. Cakrawati tabata traha den Relacionnan Publico pa un compania local.
Testigonan a declara cu e avioneta parce di a manera para keto un rato den aire, pa despues bira den direccion di ciudad. Pero el a perde altitud masha lihe y a kibra den dos, prome cu el a cay den e riu.
Alcalde di Perth Lisa Scaffidi a bisa cu e show di vuurwerk a wordo cancela pa respet na memoria di e dos victimanan y tambe pa conserva e integridad di sitio di accidente.