Un black out grandi a afecta durante varios ora di diamars e region di Amsterdam, causando asina aki morto di dos persona durante e black out y strobando e trafico di trein y metro.
E incidente, cual su origen tabata situa den e central electrico di Amsterdam, a laga e ciudad principal di Hulanda y otro regionnan manera Zaandam y Landsmeer, den scuridad total.
E gemeente di Amsterdam a anuncia cu nan lo cuminsa un investigacion despues cu dos persona a perde nan bida durante e black out.
Un hende muhe a wordo haya morto den su cas y su morto ta debi cu e respirador na cual e tabata conecta, a stop di funciona. Un otro hende muhe, di 83 aña a muri, debi cu su yiu homber no a logra drenta den contacto cu servicionan di emergencia.
Segun e gemeente di Amsterdam, e servicionan di emergencia no tabata por cu e cantidad di yamadanan cu nan a ricibi.
Fuente: NTN24