ANDALUCIA, Spaña – Dos morto y un candela fuera di control na Spaña y un record absoluto di calor na Francia. Gran parti di Europa ta sufriendo, pa di cinco dia consecutivo di e cosecuencianan di un ola di calor excepcional pa su intensidad y anticipacion.
E agencia AFP a informa cu na Spaña, unda cu temperaturanan ta supera e 40 grado C, un hoben di 17 a►a cu tabata trahando den campo a muri den oranan di marduga di diabierna despues di e sufri di “un golpi di calor”.
E hoben tabata seccionando den un finca di e provincia di Cordoba, Andalucia (zuid), ora cu el a sinti su mes marea. El a bula den pool pa refresca su mes, pero ora el a sali for di e pool el a cuminsa convulsiona.
Despues di a wordo interna den oranan di merdia den e unidad di ICU di e hospital Reina Sofia, cerca di Cordoba. Pero el a muri despues di a haya un ataca di curazon. Un otro homber a muri diahuebs atardi ora cu el a kita cay ora cu e tabata canando den centro. El a muri di “morto natural a consecuencia di e calor”.