KONSTANZ, Alemania- Un homber di 34 aña a drenta den e club nocturno Aleman Konstanz y a tira un persona mata. Tres otro a resulta herida. E malhechor a wordo tira mata door di polis. Motibo di e tiroteo no ta mucho cla. E malhechor di 34 aña a cuminsa tira den e club pa mas o menos 4 or y 30 di marduga segun polis a informa.
Despues di a bandona e club nocturno e malhechor a cuminsa intercambia tironan cu polis. El a fayece despues den un hospital a consecuencia di su heridanan. Un agente policial tambe a resulta herida.
Un bouncer a purba di stop e autor di e tiroteo, pero e autor a cuminsa tira cu’n arma automatico, heridando e bouncer.
Polisnan a descarta un acto terorista. E autor tabata un imigrante Iraki bibando ya pa basta tempo caba na Alemania.
Fuente: http://www.bbc.com/news/world-europe