KENTUCKY, Merca – Al menos dos persona a fayece durante un tiroteo cu a tuma luga diaranson den un local den e centro comercial Kroger, ubica den e ciudad di Jefferstown, Kentucky. Esaki segun e canal Wave 3 News.
Hefe di polis di Jeffersontown, Sam Rogers, a raporta cu’n homber a drenta Kroger y tira riba un otro homber den e tienda. Despues e sospechoso a sali pafo y a tira ariba e muhe den e parkeerplaats. Ambos victima a fayece.
Un tecnico den emergencia medico (EMT) tabata di compras ora cu e tabata testigo di e suceso y a purba dun’e CPR, pero sin resultado.
Momentonan despues di e asesinato di e muhe den e parkeerplaats, e sospechoso topa cu’n otro homber arma. E dosnan aki a tira riba otro, sin cu nan a resulta herida.
E presunto autor di e tiroteo a wordo deteni cerca di e centro comercial.