Diasabra den careda di 11:45 mainta alarma a keda bati na autoridad cu tin dos persona a bay kite surf pero a encontra problema unda nan liña a bruha den otro y nan a drief bay abou den lama pabou di Fisherman’s hut.
E persona cu tabata tin verrekijker tabata vigila e personanan pero un rato no a waknan mas y ta esun cu a informa autoridad. Despues di basta rato un boto a sali bay den nan direccion y a topa cu nan y trecenan na canto sano y salvo. E personanan a informa cu biento tabata duro y cu e liña a bruha den otro a causa cu no por a bin aden asina facil.