Poco pabou di e rotonde na Sasakiweg diasabra pa 12’or marduga a keda registra un accidente basta fuerte cu heridos. Na yegada di e prome patruya di Noord a topa cu un brommer hinca den e rooi y un cabayero y un dama herida ta sclama di dolornan.
A constata cu ambos tin heridanan serio na pia. Ambulancenan a keda solicita cu urgencia pa e sitio, mientras tabatin un personal di ambulance cu a caba di labora a topa cu e accidente y a duna un man tambe. Ambos victima cu herida serio na pia a keda transporta pa hospital pa atencion medico.
Loke ta remarca si cu e caminda pabou di e rotonde Sasaki den e birada skerpi tin palo di luz pero nada di iluminacion, esaki ta un di e motibonan cu e accidente fuerte aki a sucede.