Central di Polis ta manda un patruya pa Grand Ocean Minimarket relaciona cu muchanan cu ta hungado den mondi cu scopetnan di aire y un di e balanan aki a bay dal den e tienda aki. Na sitio polisnan ta papia cu e hombernan M. y G., cu ta declara cu nan tabata para dilanti di nan negoshi ora cu nan a wak dos mucha homber den mondi, y cu despues nan a tende un klap duro hopi biaha como sifuera a tira algo duro. Despues M. a sinti un klap duro na su brasa drechi y su pia robes. M. a wordo alcansa pa un di e balanan na su brasa drechi. G. tambe ta sinti un klap na su cabes parti patras y e tambe a wordo alcansa pa un di e balanan aki. M. tabata sangra na su brasa drechi y G tabata sangra na cabes patras. Segun M., e conoce un di e muchanan. A pidi nan pa pasa oficina di recherche pa nan entrega denuncia, cual nan a nenga. Y nan no tabata kier a wordo controla tampoco. Polisnan a controla den e bicindiario di Bushiri, pero no a haya niun hende cu’n pistool di aire.