MADRID, Spaña- Diabierna un trein a dal contra e top di spoornan den e station di Alcala de Henares den e comunidad Autonomo di Madrid, Spaña. Un total di 39 persona a resulta herida di di cual dos ta grave.
Na prome instante tabata papia di mas di 40 herido, di cual 4 tabata grave, pero finalmente esaki a wordo rectifica pa autoridadnan sanitario.
E trein ta pertenece na e compania Renfe Cercanias, e ta un dubbeldecker y tabata haciendo e ruta C2 Guadalajara-Alcala de Henares-Atocha-Chamartín. E accidente a tuma luga ora cu e trein ya caba a baha di velocidad, ya cu e tabata drentando den e station, rond di 3 or y 35, hora di Spaña, E servicio no a wordo interumpi, ya cu e accident a tuma luga den un caminda morto.
Despues di e accidente autoridadnan a realisa analisis na e makinista cu a sali negativo pa tanto droga y alcohol, segun e alcalde di Alcala de Henares a informa.
E funcionario a bisa tambe cu e “profesionalidad di e Polis Nacional, polis local, bomberonan y efectivonan di proteccion civil cu a acudi na e luga di accidente pa duna asistencia na e victimanan.