Diahuebs merdia asistencia di strandpolitie tabata solicita pa Holiday Inn hotel unda dos persona lo a horta serbete riba propiedad di e hotel y esaki a keda capta pa camaranan di siguridad. Nan lo a subi un pickup nissan color blauw, y asina polis a logra haya sa kende ta doño di e vehiculo y a bay te na e cas na Moko y a topa cu e sospechosonan cu a bay cu e serbete cu no ta di nan. Polis a haya e serbete tambe y a detene e cabayero hunto cu e otro persona cu tabata cune. A hiba e sospechosonan pa un sub fiscal.