Dos persona deteni despues di un persecucion cu a termina na Tamarijn

Diahuebs mainta polis di trafico a tuma un auto den beslag cu no tabatin documento despues di un hit & run. Takelwagen piket a bay cu e auto warda, y na caminda pa warda un yaris a persigui e takelwagen y aki e chauffeur a raporta na polis di actonan sospechoso. Varios unidad a yega den e area unda e takelwagen tabata wordo persigui y manera e sospechosonan den e yaris a capta polis a dal un buelta.

Aki polis a sigui e yaris duna e chauffeur señal pa para y a nenga y a start un persecucion unda varios polis a participa na esaki y e auto a bin para na Tamarijn 54 cas conoci pa Polis. E chauffeur a keda atras y e pasahero a drenta mondi y tabata tin algo sospechoso na su bariga scondi posibelmente un arma di candela.

Polis a detene e chauffeur di e yaris y a keda transporta pa warda. Mientras varios polis na pia a drenta mondi y persigui e sospechoso, te hasta tiro di advertencia a cay debi cu polis a topa cu e sospechoso y no kier a para. Pero cu ayudo di helicopter di polis a capta movecion di e sospechoso y na Sero Lopes a pone man riba e di dos sospechoso.

Comments

comments