Diaranson pasa di 7:30 anochi alarma a keda activa pa personanan cu problema riba lama banda di Boca Catalina, ta gritonan di ayudo cu tabata biniendo for di lama a pone cu persona a bati alarma. Turistanan a mira con kayak a trece un persona na tera, polisnan, ambulans y brandweer a keda mobilisa cu urgencia pa e sitio. Polis maritimo tambe a subi lama pa tira un bista den area. E cabayero cu a keda rescata a informa cu nan ta dos, e cu su amigo a haya problema riba lama pero e no sa si e otro grupo di kayak por a topa cu su amigo. Rato despues polis ta topa cu e otro grupo cu a rescata e di dos cabayero. Nan no tabata desea asistencia di ambulans, y asina e alarma a keda cancela y tur hende sano y salvo riba tera.