Reguladornan Britanico ta adverti persona cu antecedente cu reaccion alergico grave no ricibi e vacuna Pfizer-BioNtech. Ta investigando dos reaccion cu a pasa riba e prome dia di programa di vacunacion masivo di e pais.
E agencia regulador di Producto Medico y Sanitario di Inglatera ta investigando si e tabata relaciona cu e vacuna. E dos persona afecta tabata miembro di personal di servicio nacional di salud cu tin antecedente alergico y ambos ta recuperando.
Autoridad no a specifica cua tabata e reaccion alergico di ambos persona. E reguladornan a emiti un advertencia pa cualkier persona cu tin un reaccion alergico significativo na e vacuna, medicamento of alimento.
Pfizer y BioNTech a bisa cu ta trahando cu investigacion pa compronde miho casa caso y nan causa. Den training no a haya ningun problema grave di siguridad. Mas di 42.000 persona a ricibi dos dosis durante e trainings.