Ciudad de Guatemala, Guatemala – Laurent Angel Castillo, di 28 aña, periodista di e corant Nuestro Diario y Luis Alfredo Giron, di Radio Coaltepec, di 30 años, a wordo haya sin bida den un veld di caña. E curpanan a wordo haya cu señalnan di violencia.
Diahuebs atardi, Pablo Castillo, vocero di Polis Nacional Civil, a bisa cu a localisa e curpanan sin bida di dos persona, cu señalnan di violencia y cu preeliminarmente un di nan a wordo identifica como un di e periodistanan desapareci.
Mas laat, e informe policial di e hayasgo di e curpanan a identifica e dos hombernan y a detaya cu tur dos tabata tin nan man- y pianan mara y cu nan tabata tin por lo menos tres herida di arma di candela na nan cabes.
Abner Guoz, hefe di redaccion di Nuestro Diario, a bisa na Associated Press cu tabata trat adi Castillo, su coresponsal na Suchitepequez.
Ministerio Publico di Derechonan Humano a emiti un comunicado di prensa condenando e dos mortonan aki y ta exigi di autoridad -pa investiga y detene e responsabelnan.
E departamento di Suchitepequez den e ultimo 10 añanan tabata escena di morto di por lo menos shete periodista. Segun datonan oficial, e luga ta un di e zonanan cu mayor presencia di narcotrafico.
Fuente: https://www.ap.org/