MANAGUA, Nicaragua- E agresion fisico cu e obisponan den un basilica a sufri den e ciudad di Diriamba a causa consternacion den e pais. E hechonan aki ta pone un nubia scur riba henter e dialogo nacional na unda cu ta spera cu por supera e crisis cu a cobra bida di al menos 320 persona.
Ademas di e agresion contra di e cardenal Nicaraguense Leopoldo Brenes y e nuncio apostolico Stanislaw Waldemar Sommertag, entre otro, ehecuta pa un grupo parapolicial simpatisante die gobierno di Daniel Ortega, na un misa catolico den e ciudad Jinotepe (Pacifico) a wordo profana pa un otro grupo di paramilitarnan.
E conferencia Episcopal di Nicaragua, mediador y testigo di e dialogo nacional, a suspende dialuna e dialogo crea pa supera e crisis den e pais debi na e agresion fisico cu e religiosonan aki a sufri.
Dialuna e episcopado a cita e mesa di Verificacion y Siguridad, como tambe e mesa Electoral, pero no di husticia, pa reinicia e dialogo. Sin embargo, el a opta pa pospone esaki cu dos luna despues di e sucedidonan na Diriamba.
Dialuna, un grupo di polisnan paramilitar a drenta violentamente den e basilica di San Sebastian, unda cu nan a agredi varios obispo y periodista, entre nan e nuncio apostolico, e cardinal Brenes y e obispo Silvio Baez. Esaki a tuma luga ora cu e obisponan a biaha pa Diriamba, 42 km zuid di Managua, pa libera un grupo di verpleger y misioneronan Fransiscano secuestra pa polisnan paramilitar den e tempel.
E situacion a presenta despues di cu’n delegacion di e iglesia catolico, compaña pa e Asociacion Nicaragüense Pro Derechonan Humano (ANPHD), a drenta e plasa central di Diriamba, unda cu e basilica tabata rondona pa mas o menos 200 persona bisti cu capuchon militar y polisnan paramilitar, algun di nan tambe tabata tin e cara tapa.
Ora cu e e delegacion eclesiastico a yega na e luga e agentenan uniforma a disparce y a habri apso pa un centenar di civilnan bisti cu capuchon y simpatisantenan di presidente Ortega.
E Episcopado a denuncia tambe cu’n tempel catolico den e ciudad di Jinotepe (Pacifico) a wordo profana pa un grupo paramilitar.
Ambos suceso ta marca e ola di violencia desata pa actonan di represion contra di personanan cu ta protesta contra Presidente Ortega, unda 320 persona a perde nan bida.
E pais centro – americano ta hinca den un crisis sociopolitico mas sangriento desde e decada di 1980, unda cu Ortega tambe tabata presidente.
https://www.elnuevoherald.com