LOS ANGELES, California – Dos muhe a horta un sucursal di Chase Bank na North Hills diabierna arma, polis di Los Angels a informa.
E atraco a sosode poco despues di merdia diabierna, riba e cuadra 9100 di e Boulevard Sepulveda.
E sospechosonan tabata “extremadamente violento” durante e incidente, nan a ordena e cliente y empleadonan dentro di e banco pa nan drumi abao y nan a horta nan placa.
Un di e muhenan ta wordo describi como Afro Americano cu tabata tin handschoen color biña bisti, un camisa color blanco y carson preto, un pechi di baseball cu bril scur. Den e registro di e camara di siguridad nan tabata tin un saco cu liñanan blanco cu preto y un fondo roos unda cu nan a hinca e placa cu nan a bay cun’e. E otro muhe tambe tabata tin un arma di candela, tambe ta Afro Americano y tabata tin handschoen preto, un camisa color blanco, un pechi color beige, bril scur y carson preto.
Fuente: www.laopinion.org