Patruya di Oranjestad ta wordo manda pa un adres na Madiki Kavel pa dos mucha cu a wordo laga nan so na cas. Na e sitio, polisnan ta papia cu e persona cu a yama polis. E ta declara cu e muchanan for di mainta trempan ta nan so den e cas, sin un hende pa wak pa nan. Polisnan a bay e banda patras di e cas y haya e bentana habri. Door di esaki polisnan por a drenta den contacto cu dos mucha homber chikito, uno di seis y otro di tres. A puntranan unda nan mayornan ta, cual nan a contesta cu nan ta trahando. A pidi e muchanan pa bisti nan paña pa asina nan por a bay warda cu e polisnan. Tur esten cu e polisnan ta wardando, e mama ta yega cu cara di soño. E mama, F. a declara cu e dia anterior el a sali y a laga su ruman homber pa cuida e muchanan. Pero e mes a keda drumi na cas di su amigo. Su ruman a yam’e prome cu 8 or ya cu e lo mester bay traha 8 or. El a bisa e ruman cu e ta na caminda, pero el a pega soño bek. Su ruman a bay traha y e mes a yega cas laat. Polisnan a hala atencion di e mama y lo pone voogdijraad na altura. Pero polisnan a yama voogdijraad pa banda di 11:45 como cinco biaha ariba nan cel di piket, pero sin contesta. A pone Slachtofferhulp tambe na altura como tambe e Chef van Dienst.