BARINAS, Venezuela- Dos mucha muhe cu tabata den un estado avansa di desnutricion y otro malesanan, a wordo rescata pa un comision di polis regional di Barinas, den e bario Santa Barbara Bendita, na Socopó.
E muchanan tabata tin 6 y 3 aña di edad. Ora cu nan a wordo rescata pa autoridadnan, e criaturanan tabata drumi riba un corchon, sin tapa, yena cu sangura y den nan propio sushi humano. Esaki segun informacion cu e portal El Pitazo a publica diadomingo.
E hallazgo a wordo realisa pa polisnan despues di a ricibi un yamada anonimo cu a denuncia e estado di e menornan. E bisiñanan a identifica e mama di e menornan como Daisy y nan a indica cu e muhe no tabata cuida e muchanan manera mester ta, pa cual el a wordo deteni.
Di otro banda, e muchanan a wordo traslada pa hospital José León Tapia di Socopó. Dokternan a determina cu e muchanan tabata den estado di descuido y cu sarna. Tambe nan a bisa cu un tabata tin hidrocefalia y e otro atraso psicomotor, ademas di e diagnostico di desnutricion severo cu e muchanan tabata tin.
Fuente: http://Entre zancudos y excremento rescataron a dos niñas desnutridas en Barinas