Dos mucha homber di 17 aña sospechoso di asesinato

“Dia morto cay autoridadnan lo haci algo,”ta loke e mama di crianza di un di e detenidonan pa e caso di asesinato marduga den Flamboyantstraat a yega di declara. Awe a detene e mucha hombre Z.A>C. di 17 aña como sospechoso di e asesinato.

Awe marduga a tira mata e mucha muhe Sayuri Petronia di 20 aña mata den su mesun cas den Flamboyantstraat na San Nicolas.

A pone un team special den otro y den menos cu 12 ora di tempo a detene dos sospechoso. Un di nan ta e hoben ariba menciona. Un persona hopi problematico, cu e mesun famia Henriquez cu a  cri’e tabatin problema cu ne y a yama Polis na varios ocasión pa motibo di destruccion cometi na propiedad familiar, menasa y a kima un cas di cunucu.

Awe Polis a yega na e cas di e famia den oranan di atardi pa haci un búsqueda relaciona cu e sospechonan cu tin contra dje.

E informe di Polis ta bisa: Enconexion cu e caso di asesinato cu a tuma luga di un dama den Flamboyantstraat awe madruga Recherche di San Nicolas (DAR3) a detene 2 hende homber respectivamente di inicialnan P. di 17 aña y Z.A.C. di 17 aña.

Na e cas a confisca basta material, mientras cu a bay na e cas di cunucu patras di e tanki na Savaneta, unda a confisca un auto. Según por a comprende, eytras e tabata train tira pa cual sigur un ciudadano a informa polis di e caso. Den e siman aki ainda a menciona cu e auto di huur tabata los tiro eytras.

Ta sospecha cu e ta envolví den e mesun caso di tiramento cu tabatin siman pasa na San Nicolas, unda cuatro persona a resulta herida. Y awo ta sospechoso den e caso aki.

E mama di criansa den pasado a suplica pa haci algo cu e menor aki, pasobra ta yega un dia cu algo lamentabel lo sosode.

Pa Cuerpo Policial por resolve mas caso cooperacion y informacion di pueblo di Aruba ta hopi importante, pesey nos ta pidi si bo tin cualkier informacion yama nos tiplijn: 11141. Nos ta garantisa cu bo ta keda anonimo.

Comments

comments