Explosion di un granat di guera a laga dos hende morto y ocho herido den un cas den e districto di San Juan de Miraflores, departamento di Lima (Peru), caminda cu varios grupo criminal ta pleitando p’e control di teritorio, e medionan local a informa dialuna.
Despues di e suceso, Polis Nacional a descubri e escondite di un gang criminal peligroso dedica na extorsion y tambe ocupa pa cobra cupo n’e trahadonan sexual.
Comandante Juan Pablo Chenett del Pozo a indica cu “aparentemente a activa e granat den man” di un di e miembronan.
“Por a casi establece cu un di e personanan cu tabata n’e luga tabata manipulando un granat di guera. Sigur e kier a ahusta e pin di siguridad of cualkier otro ahuste,” Del Pozo, hefe d e Unidad di Desactivacion di Explosivo a sigura.
