SANTIAGO, Chile – Un gran operativo policial a wordo realisa pa Carabineronan den e casino Monticello, den e Region di O’Higgins, despues di un tiroteo cu a tuma luga den e edificio. Segun e institucion policial a informa, e hecho a laga dos morto y cuater persona herida, tur trahado di e luga. Di acuerdo na e prome informacionnan, e responsabel di e disparonan a drenta den un baño di e luga, te ora cu efectivo di e Gruo di Operacionnan special di Carabinero a yega, incluyendo un ekipo negociador di polis. E hecho a sosode den e sector VIP di e casino y segun Chilevision a informa, e nomber di e autor di e disparonan tabata Osvaldo Campos Azocar, medico veterinario. Na e momento di e incidente, tabata tin por lo menos un 70 cliente den e luga y e autor lo ta un hungado recurente di e casino. Segun e mesun canal di television, e sospechoso a perde cerca di $15 miyon.
Segun cu e Carabineronan a relata, Campos Azocar lo a tira “shete pa ocho biaha”, matando primeramente na e pit boss di un mesa, unda cu e tabata hungando. E di dos persona fayeci, tabata un hende muhe, kende a fayece na e Hospital de Granero, unda el a wordo traslada. “E hecho a sosode den interior di e zona di wega di e casino. Nos clientenan ya ta den bon condicion, ta lo unico cu nos por confirma,” Manuel Rojas, gerente di e casino a comenta.
Esaki ta e di dos incidente di e caracteristicanan aki cu a keda registra na e luga den menos di un luna. Dia 6 di Juni pasa, un guardia a resulta herida cu un tiro den barica, ora cu el a purba di evita un robo.
Fuente: http://www.emol.com