CIUDAD DE MEXICO, Mexico- Un tiroteo den e Ciudad Universitaria den e capital di Mexico a cobra bida di 2 persona, diabierna 23 Februari ultimo. Motibo di esaki tabata un pelea entre dos persona cu no ta pertenece na e Universidad Nacional Autonoma de Mexico (UNAM), caminda e dos personana aki a resulta herida di bala, segun e instuticion a declara den un comunicado.
Despues e Ministerio Publico di e Ciudad de Mexico a informa di e morto di e dos personanan, y el a indica cu “nan ta realisando e investigacionnan pa localisa e responsabel (nan)”. E hechonan a sucede diabierna den e Facultad di Contaduria y Adminstracion na e sede principal di Universidad.
E agentenan di siguridad interno di e Ciudad Universitario tabata esunnan cu alerta autoridadnan, ora cu nan e haya e dos heridonan. E dos personanan aki, cu ya a wordo identifica pa Ministerio Publico, y a wordo atendi pa forsanan di salud cu a transportanan pa hospital, unda cu nan a fayece.
Esaki ta e di dos sucedido violento cu ta tuma luga den e ultimo 24 oranan den e edificionan di UNAM. E anochi anterior, diahuebs, un funcionario di e Facultad di Estudionan Superior Acatlan, un di e sub sedenan di UNAM, a wordo herida pa un arma di candela ora cu e tabata saliendo di e parkeerplaats.
Fuente: http://www.elcomercio.com