GUIZHOU, China- Al menos dos persona a muri y 25 ta desapareci despues di un deslisamento di tera cu a sosode dialuna, den e sureste di China.
E deslisamento di tera ta afecta 34 cas di e localidad di Bijie, den e provincia di Guizhou, segun informacionnan di e agencia Xinhua, citando autoridadnan local.
Rescatistanan a saca seis persona for di bou di e ruinanan, dos di nan tabata morto, segun e mesun fuente. E desastre a tuma luga dialuna pa 10 or y 40 di mainta ora local y operacionnan di rescate ainda ta continua.
E video publica pa e Diario di Pueblo, un corant oficial, ta mustra e momento cu un parti di e cero ta split y ta provoca un nubia di stof, mientras cu personanan na e sitio ta horrorisa.
E deslise di tera ta frecuente dene zonanan rural y montañoso di China, particularmente durante awaceronan fuerte. Zomer di e aña aki, e condicionnan climatico extremo a provoca varios catastrofe den e parti sur di e pais, lagando varios persona morto y desplasa.
Na Juni y Augustus, dos deslise di tera den e provincia di Sichuan (zuidoost) a laga mas di 30 morto y decenas di desaparecidonan.
Na Juli, 63 persona a muri den desprendimentonan di tera y inundacionnan na Hunan (centro), probocando e desplasemento di 1.6 miyon di habitante di e provincia.
Fuente: http://www.entornointeligente.com/articulo