SOUTH CAROLINA, Merca- Al menos dos pesona a muri y 70 a resulta herida diadoming dne un choke entre un trein di pasahero Amtrak y un trein di mercancia di CSX na South Carolina, segun autoridadnan a informa.
Amtrak a informa cu e trein y varios di e wagonnan di pasahero a sali for di e railsnan cerca di Cayce pa banda di 2:45 di marduga riba e ruta 97, cu ta core via New York pa Miami. Tabata tin 8 tripulante abordo mas 139 pasahero. E heridanan sufri tabata varia di rasca te cu fracturanan.
E dokter forense di e condado Margaret Fisher a bisa cu dos pasaheronan di e trein a fayece. Ta trata di e machinist Michael Kempf, di 54 aña, cu tabata e ingeniero di e trein Amtrak 91, procedente di Savannah, Georgia y Michela Cela, di 36 aña, cu tabata e conductor di e trein.
E accident a sosode ora cu e trein a “drenta den contacto” cu’n trein di carga, segun e compania ferroviario den un comunicado.
E accidente a sosode 10 miya zuid di Colombia, unda cu varios di e camindanan cu ta separa pa e wagonnan di mercancianan descarga nan mercancia. Autoridadnan no a determina ainda si ambos trein tabata moviendo of si e trein di Amtrak a desvia pa un otro via.
E accidente aki ta e ultimo den un serie di accidente di treinnan di Amtrak den e ultimo simannan.
Fuente: https://edition.cnn.com