Proximo fin di siman Aruba lo ta di hubilo cu e presencia di dos di e maestronan mas prominente den mundo di Karate den e are d Sur, Centro, Norte America y Caribe. Lo ta di bishita na Aruba e Gran Maestro 9th Dan Hanshi, Hiroshi Ishikawa. E ta fundador y Director Technico di e organizacion mundial SKIF pa Latino America y Caribe. Igualmente lo ta na Aruba Kyoshi. Alejandro Castro 7th Dan WKF y 7th Dan SKIF, Director Technico di Federacion di Karate di Venezuela y Kodokai Internacional igualmente acesor internacional technico pa WKF cu ta e organizacion principal mundial di Karate. Diabierna y Diasabra dia 7 di December, ambos dia cuninzando pa 4.30 di atardi y terminando 7’or di anochi, nan lo ta hunto den un seminaro na Dojo Gyoseki Kan SKIF Aruba cu ta keda den gymzaal di La Salle College na Oranjestad. Tur dojo y organizacion di Karate na Aruba ta keda cordialmente invita pa presencia e evento unico aki cu lo marca histori den karate tradicional cu e ultimo technicanan di WKF aki na Aruba. Costo di e dos dianan di seminario aki ta $50 y pa mas informacion por tuma contacto cu telefonnan 594-7677 y 593-8166.