LEIPZIG, Alemania – Dos leon, Majo y Motshegetsi, a sali for di un dierentuin na Leipzig awe mainta. Un alarma grandi a wordo bati mientras tanto.
Segun medionan Aleman, e dos leonnan a wordo rondona y ningun hende no tabata den peliger. E dierentuin a wordo evacua y polis hunto cu personal di dierentuin, a gara e bestianan aki, posiblemente cu ayudo di trankilisante.
Con e leonnan aki a sali for di nan haula, no ta conoci. Posiblemente curiosidad a haci cu e bestianan hoben aki, cu apenas ta un luna na Leipzig, a sali afo. Nan mester custuma ainda. Despues di tres siman custuma paden di e ambiente, y e cuidadonan di bestia, nan tabata por a sali den e parti pafo di nan haula un siman atras.
Fuente: RTL Nieuws