Diahuebs anochi den careda di 10:30 Centro di Rescate di Wardacosts a wak riba radar un contacto saliendo for di area di Arashi. Mes ora e metal shark-11 a sali pa identifica e contacto. Pa mas o menos 11’or di anochi e metal shark a para e boto 5.5 miya for di Manchebo beach despues di un persecucion unda mester a los un tiro di advertencia pa para e boto.
E kapitan no kier a para y a sigui bay y a los tiro dirigi riba e motornan pa asina stop e boto. A encontra dos hende homber Venezolano abordo. Di biaha a pidi Polis pa wak area di Arashi como ta sospecha cu ilegalnan a subi tera y cu por a laga droga atras. Warda Costa a tow e boto pa nan base di sosten pa mas investigacion. A entrega e personanan despues pa warda nos costa.