DALLAS, Merca- American Airlines a ofrece su disculpa na dos basketbolista profesional di color cu a wordo baha for di avion for di Dallas cu destino South Dakota, despues di a acusanan, eroneamente, di a horta.
Marquis Teague y Trahson Burrell a subi un avion di e American Airlines riba Bispo di Pasco, bayendo pa un torneo.
Pero prome cu e avion a lanta vuelo, un stewardess a acusanan di a horta dos deken di e cabina di first class, y nan a wordo baha for di e avion.
Despues a resulta cu otro pasahero a haya e dekennan aki.
Tanto e hungadonan como e stewardess ta Afroamericano.
Niun di e dos basketbolistanan, miembronan di Memphis Hustle, un ekipo di Liga Menor di e Asociasion Nacional di Basketball, a duna comentario ariba e asunto.
Pero Daniel Lazere, assistent di coach di e ekipo, a bisa den un tweet cu e incidente tabata tin motivonan racial.
Un vocero di American Airlines, Joshua Freed a bisa cu nan ta investigando e incidente.
American Airlines ta bou di presion despues di acusacionnan di trato discriminatorio na algun di su clientenan.
Fuente: http://www.bbc.com