GOLD COAST, Australia – Dos hende homber y dos hende muhe a muri den un accidente cu a sosode diamars, den un di e atraccionnan famliar di e parke recreativo Dreamworld di e region turistico di Gold coast, noordoost di Australia.
“Cuater persona adulto a wordo confirma morto,” Polis di Queensland a informa, sin duna detaye di e victimanan.
Testigonan di e tragedia a sigura cu diripente “tur hende a cuminsa grita, ora cu aparentemente, ora cu un di e wagonnan a laga bay for di un atraccion acuatico conoci como “Thunder River Rapids.”
Vocero di servicio di ambulance di Queensland, Gavin Fuller a confirma cu e victimanan tabata dos homber y dos muhe, cu edadnan di entre 32 y 40 aña. Nan nomber y nacionalidad no a wordo revela.
E accidente lo mester a sosode ora cu un di e caruahenan circular di e atraccion a bolter den e railsnan cu tabata transport’e den un canal di awa pa e area di desembarke, segun Canal 9 di e television local.
Apesar cu e wagonnan di e atraccion por transporta te cu normalmente seis personal, den e ocasion aki un faya a provoca cu dos persona a wordo saca for di e vehiculo, mientras cu e otro dosnan a keda atrapa. Dreamworld a señala den un comunicado cu nan ta trahando “rapidamente pa aclarea e hechonan rond di e incidente aki y di forma estrecho cu autoridad di emergencia y polis riba e caso.”
E prome minister Australiano “Malcolm Turnbull, a lamenta e incidente y a ofrece su condolencianan na famia di e victimanan. “Ta un suceso hopi hopi tristo. Un tragedia,” Turnbull a bisa.
E parke recreativo Dreamworld a wordo inaugura na 1981 y actualmente ta conta cu mas di 40 atraccin. “Prioridad di Dreamworld ta famia di e victimanan di e tragedia aki. Nos lo publica informacionnan nobo encuanto nos sakico a pasa,” e compania a bisa den un comunicado. E parke a cera despues di e accidente y tampoco lo habri bek su portanan diaranson.
Fuente: Deutsche Welle