Dos homber seriamente hinca pa yuda un dama cu tabata wordo maltrata na Noord

0
RBC Juli 2018
Funmiles-2018

Diadomingo den careda di 4 or marduga entre lekker bar cu e parkeer plaats pabou di dje a surgi un caso serio di hincamento. Ta asia cu dos cabayero lo tabata mira un problema di pareha bayendo for di man y e homber ta batiendo e dama y a interveni pa yuda e dama.

Cu alcohol den curpa cos a bay for di man di a agredi e homber y esaki lo a bay na e bar pa yama amigo y asina a start un problema entre e dos cabayeronan cu a agredi e homber pa maltrata e dama. Y cos a caba na hincamento serio, un di e cabayeronan a haya un hinca banda di su pecho.

Un tabata mas serio cu otro y cu transporte propio nan a yega eerste hulp pidiendo ayudo. Aki ta unda dokternan a solicita Polis presenta na eerste hulp pa haya mas informe y a start un investigacion pa sa unda e caso aki a pasa.

Polis a cera e parkeer plaats pabou di lekker durante buskeda a haya sanger riba vloer y riba un auto den e bringamento e personanan lo a haci daño na auto di hende y departamento forensico a saca e evidencia. Recherche tambe tabata presente, te hasta a bishita lekker bar pa saca afo si por tabata tin testigo cu por a mira e bringamento formal aki. E caso aki ta bou investigacion pa sa kende ta e agresornan cu a hinca e personanan aki seriamente.

Comments

comments

C: Heineken
new india