Diamars prome cu 12 or merdia polisnan a keda manda cu urgencia pa Beaujonstraat banda di stadion Dakota pa un atraco. Eynan e oficialnan ta compronde cu e ciudadano den su cas ta scucha hende ta bati na su porta y ora a habri esaki ta topa cu dos homber cu un arma di candela den man. Nan no tabata tin cara tapa y ta papia spaño. E atracadornan a bay cu por lo menos 200 dollar y mas cu 400 florin cu e persona tabata tin den su poder. Nan a ceranan den e cas, pero a logra wak e sospechosonan bay direccion pabou. Atraco team a presenta pa haci nan investigacion. Personal di slachtofferhulp tambe a yega na e sitio pa duna asistencia na e persona cu a keda den susto. Kende cu por a wak algo den e oranan ey yama tip line di Polis 11141.