Diadomingo pa 3:20 marduga central di Polis a keda informa cu na un cas na Sero Biento dos persona desconoci a drenta e cas di e persona y purba na atracanan. Ta dos ruman homber ta biba den e cas, un di nan tabata drumi y otro lanta den e cas, ambos a keda sorprendi con e atracadornan a drenta na cas y a keda den trauma.
E homber atracadornan un di nan tabatin arma di candela den su man y a pidinan placa. E atracadornan na dadomomento a cuminsa bringa cu e habitantenan paso nan no kier dune su telefoon y ni placa. Un di e habitantenan den e cas cu ta un homber a haya un sla den su pecho cu tabata e cabi di arma. Despues e dos atracadonan a sali for di e cas for di porta patras y bay perde den e mondi cu tin. E habitante no por a comenta na autoridad si ta na pia of auto nan a bay.
E dos atracadornan tabata papia spaño y no ta tin cara tapa y color di cuero bruin. Un tabata tin un t-shirt berde bisti cu un bermuda short berde scur cu slof. E otro tabata bisti cu un pechi , t-shirt y bermuda short color scur. Nan no a logra bay cu nada. Atraco team a presenta hunto cu slachtoffer hulp na e cas. E caso ta bou investigacion. Ken cu por a wak algo yama tipline di polis 11141 .