FLORIDA, Merca – Dos mucha muhe hoben di e estado Mericano di Florida a wordo aresta diamars, ya cu nan tabata tin un plan sadistico pa asesina muchanan jong di nan scol. E mucha muhenan di 11 y 12 aña di edad, tabata scondi den e bañonan di e scol, cu cuchiu den nan poder.
Ora cu e hobennan no a bin les, e docentenan a bay sali en busca di e muchanan aki. Docentenan via di otro alumnonan a bin haya sa di e plan macabro pa asesina e otro alumnonan.
Despues di e aresto, e agentenan policial a search den nan celular, despues di cual e embargadura di nan plan a bin na cla. E muchanan aki a wordo inspira pa un pelicula di teror cu nan a wak hunto. Nan tabata van plan di mata al menos 1 mucha, pero tabata spera di a mata al menos 15 pa 25 mucha.
E plan tabata ta pa sinta warda den e baño te ora cu e muchanan pasa bay. Despues nan lo a hinca e muchanan mata, bebe nan sanger y despues comete suicidio.
“Nan tabata spera cu e asesinato ariba nan compañeronan di scol, lo zorg pa nan bira pecadornan di berdad, cu despues cu nan mata nan mes, nan lo tin un luga sigura den fierno. Nan plan tabata kier a bira Satan mes”, segun autoridadnan local.
A pesar di cu a logra preveni un asesinato en masa, scol a pidi ayudo psychologico na e muchanan y e docentenan.
Posiblemente e mcuhanan lo wordo husga como adulto. Esaki ta loke fiscal ta investigando. Den todo caso nan lo mester para responsabel pa nan actonan di intento di asesinato, posesion di arma y ladronicia.