CARACAS, Venezuela – Ministerio Publico di Venezuela (MP) diamars a informa cu ocho polis a wordo deteni pa sospecho di ta involucra den e morto di dos adolescente di 13 y 17 aña. Un suceso cu a tuma luga dia 5 di december ultimo den e parokia El Valle, na Caracas.
Den un comunicado, Ministerio Publico a indica cu e anochi di diaranson pasa, bisiñanan di e parokia popular, El Valle, entre cual tabata tin e adolescentenan, tabata trahando ariba un pesebre riba caminda publico y nan a wordo acerca pa funcionarionan cu a pidi nan informacion tocante un brommer horta.
Ora cu nan no a haya mas detaye riba e paradero di e brommer, efectivonan a “tira” riba e grupo di persona cu tabata participando dne e actividad, segun e comunicado di Ministerio Publico.
E hobennan a fayece algun hora despues den un centro asistencial cerca di e luga di unda e hechonan a tuma luga, door di e impacto di bala ricibi.
Venezuela ta wordo considera un di paisnan mas peligroso di mundo, y segun e ONG Observatorio Venezolano de Violencia (OVV), e país petrolero a cera 2017 cu 26.616 morto violento.
Segun ultimo informenan, entre e funcionarionan di Polis Nacional Bolivariano y otro dos grupo di accion special FAES a purba di sweep e zona ya cu nan a wordo infroma cu e ladronnan tabata pertenece na e sector aki. Pero sin exito. Na momento cu nan tabata bay pa retira, un di nan a wak cu;n grupo di mucha tabata armando un pesebre y a puntranan si nan a wak un brommer, pero e mucha no por a responde di biaha, ya cu e tabata tin problema di habla. E hoben a haya un tiro den boca. Medionan di comunicacion ta bisa cu aunke tin varios funcionario deteni, e bodyguard di Bernal ta den e grupo.