Dialuna marduga patruya a topa cu un kia rio shinishi riba caminda for di Tanki Leendert a duna e chauffeur señal pa para pero a nenga. A sigui tras di e auto aki for di un distancia a subi e caminda di Paradera, pa despues Babijn y drenta Cristal.
Den e birada skerpi di Cristal e chauffeur a perde control dal den baranca bolter y pega de un mata di kwihi riba un tereno di un cas. Polisnan a baha di biaha y asina bay na e auto y wanta ambos sospechoso. E dos hoben a resisti nan detencion y polis a hayanan ta manda ambos vloer pa logra dominanan y boei ambos. Transport a presenta y a bay cu ambos detenido pa warda. E auto a keda tuma den beslag hiba warda pa takelwagen cu a acudi na e sitio.