ALMERE, Hulanda – Ariba e Grote Markt di Almere efectivonan di Explosieven Opruimingsdienst (EOD) a desarma dos granaat. Pa largo tempo polis a tene e vecindario cera mientras cu polis tabata haciendo nan investigacion.
Acceso pa e markt tabata cera y niun hende tabata wordo permiti pa subi e plasa. Tanto Brandweer como ambulance tabata presente na e Grote Markt, den caso cu e explosivonan explota. Un helicopter tambe a wordo poni den e espacio aereo ariba e mercado.
E alarma di aire na Almere y Lelystad tambe a bay on despues di un rato, pero esaki a resulta di ta un eror di e camber di alarma.
CASNAN EVACUA
Personanan cu ta biba den cercania di unda e dos granaatnan a wordo haya, mester a wordo evacua. Polis a haci un yamada pa tur hende mantene nan mes leu di e area. Ken a laga e dos granadanan aki riba e plasa, no ta conoci te ainda.