Diadomingo den oranan di merdia personal di ambulance a wordo dirigi pa Seroe Blanco pa 2 persona cu lo a bira malo y ambos lo ta benta riba caminda. Un unidad di ambulance como tambe e rapid responder a wordo despacha pa e sitio, y na nan yegada nan di berdad a bin topa cu 2 persona riba caminda pero ambos tabata duna señal cu nan lo mester ta intoxica y tabata grita y draai rond foi control riba caminda.
Mes ora a pidi presencia Policial pa asina bin asisti e personal medico y na yegada di e prome patruya nan mes a bay over pa pidi mas asistencia como cu e 2 hobenan aki tabata raso. Polis a logra domina ambos hoben y a hinca nan den cura di Seroe Blanco 29-E unda personal di ambulance por a bay over na duna nan medicamento pa asina purba calma nan.
Segun un testigo ambos hoben lo ta DJ di proffesion y awe mainta despues cu nan a caba di toca nan lo a wordo invita pa algun amigo pa bay dal un par di drinks canto di lama na Eagle Beach. Aki ta unda cu probablemente algo lo mester a wordo poni den nan bebida y a pone cu nan a cuminsa actua straño y a dicidi di trece nan cas.
Pero na nan yegada na Seroe Blanco ambos a bira mas malo y a cuminsa bati nan curpa den tur e solo riba asfalt mei mei di caminda. 2 Ambulance a presenta na e sitio y bou di vigilancia Policial ambos a wordo transporta pa hospital unda lo mester bay saca afor kico por a wordo poni den nan bebida cu ta mescalina.