Diamars atardi na e crusada altura di e veld di RCA a sucede un accidente entre 3 auto pa falta di preferencia. Un mitsubishi Lancer preto biniendo di zuid a yega lora na su man robes y no ta duna un Kia Sportage cora biniendo di nort preferencia y nan ta dal den otro y door di e impacto nan ta sigui bay dal riba un Hyundai Elantra cu ta para pa subi caminda.
Den e Sportage tawata tin un baby sinta den su childseat patras. E baby a spanta y pa e motibo ey a solicita ambulance pa controle. Daño material na e autonan tabata basta. E mesun momento un Toyota Altezza orañe biniendo di zuid a bay lora na su man drechi pero ta tuma e birada mucho grandi y ta dal den un Toyota Yaris blanco. Daño ta considerabel na e Yaris. Polis di trafico a presenta y a tuma datos di tur dos accidente. Den tur dos accidente polis a tuma auto den beslag ya cu nan no tawata tin nan papelnan na ordo. Ta trata aki di e Mitsubishi Lancer y e Toyota Altezza.