Diaranson den oranan di mainta polis a keda acudi na un cas di un agente policial den area di Hooiberg/Sero Biento, unda un toyota yaris a intenta di horta den e cas. E agente a reconoce kende tabata den e yaris y a mira un total di 5 persona den e auto pero nan no a logra di bay cu nada.
Polisnan atento banda di 10or a topa cu e auto aki den area di Sero Patrishi cu Paradera y a duna e chauffeur señal pa para pero e chauffeur a nenga y cuminsa core pa polis y aki a start un persecucion. E auto tabata core hopi duro mes y tabatin muchanan abordo.
A tuma e caminda di Paradera, Jaburibari y Babijn, riba un velocidad increiblemente halto mes. Polisnan cu sirena y luz nan tras a sigui nan tras y den Sero Lopes nan a drenta un dead end y aki a logra pone man riba nan. Tabata e conocido di polisnan, Jean Piere Croes y su ruman. Pero pa sorpresa di agentenan a topa cu muchanan den auto, cu ta indica como mayor, purba di horta na cas di hende y core hopi iresponsabel pa mata curpa cu mucha ta di lamenta e situacion. Polis a notifica slachtofferhulp pa presenta di biaha y tuma e muchanan over. A detene e dos ruman y auto tuma den beslag.