Diabierna den careda di 10:30 anochi riba caminda di Camacuri pa Sabana Berde net otro banda di e post di brandweer ta sosode un accidente cu impacto fuerte, di biaha a mobilisa polis p’e sitio. A constata cu un pickup chevrolet a dal tras di un otro pickup chevrolet. Pa casualidad e autonan ta mes un marca y modelo. E pickup cu a dal tras di e otro a keda basta kibra cu esun dilanti. No tabatin ningun persona herida, polisnan tabata n’e sitio pa tuma dato y polis di trafico a tuma tur dato for di ambos partido.