Dos caso den Sero Colorado hombernan a keda sin paña despues di a fiesta cu damanan desconoci

Informe di Cuerpo Policial: Diabierna pa mas o menos 5:45 mainta Central di Polis a keda notifica cu tin un homber completamente sunu a yega na KIA y pidi asistencia di Polis. Na yegada di e patruya di San Nicolas a bin constata cu e homber aki a keda atraca, segun su declaracion na autoridad pa dos hende muher y algun otro persona desconoci.

Polis a sigui saca mas informe pa compila e datos, y e homber ta duna di conoce cu el a topa dos hende muher den cayanan di San Nicolas y a ser invita pa bay di”fiesta” cu nan den cercania di e Zwart Mangel. Eynan lo tabatin hende ta speranan y nan a atraca e victima y lage completamente sunu sin paña atras den e area. Debi na e scuridad e no por a wak pero el a sinti algo duro na su cabes y e ta asumi ta un arma di candela. E personanan no a logra di bay cu su auto.

E caso aki ta bou investigacion pa autoridad. Mes un rato polis ta keda informa cu dena rea di Rodger’s Beach a haya un curpa sin bida, pero na yegada di patruya a bin topa cu un otro homber casi sunu ta bisa cu dos dama lo a atraca su persona. E muhernan aki a invite pa bay bebe y a gosa un rato banda di beach y a bin haye te na lama sin paña, sin placa y nan a bay cu su auto.

Despues ela cambia su declaracion y bisa cu e tabata den compania di un hende muher cu e conose y cu e muher ey a bandona e sitio cu su auto, sin su permiso.

Un rato despues, na altura di Cura Cabay un patruya di San Nicolas a señala e auto en cuestion, a logra par’e y kita e auto for di e dama y asina na warda di Polis a duna e doño su auto bek.
E victima a wordo splica kico su derechonan ta pa entrega keho si e ta desea esaki.

E prome caso ta bou di investigacion ainda y mester bay verifica tur detayes.

Toch Cuerpo Policial Aruba kier emiti un alerta na tur cuidadano pa tene cuidou cu trendnan nobo di criminalidad y pa no confia hende straño, no acepta ofertanan dudoso y evita areanan cuestionabel.

Corda cu preveni ta mihor cu lamenta.

Comments

comments