NEW YORK CITY, New York – Un cadaver a wordo haya den un pool den Central Park, na New York, menos di 24 ora despues cu a descubri otro curpa sin bida flotando den otro zona di e conocido parke.
Servicionan di emergencia a recupera e di dos cadaver, di un homber y den un estado avansa di descomposicion, den prome ora di mainta, den un pool cerca di 59th street y Fifth Avenue, segun medionan local.
E curpa a wordo entrega na servicionan forense di e ciudad y pa awo ta desconoce e causanan di morto.
Menos di 24 ora prome, otro curpa den descomposicion di un homber sunu a wordo haya den otro pool di e parke, na altura di 87th street, segun polis a anuncia.
E cadaver no tabata presenta signonan di violencia y segun fuentenan policial a bisa na New York Post, ta kere cu e homber por a lo a hoga.
Te asina leu, no tin ningun indicacion cu e dos mortonan aki ta relaciona, aunke polis ta sigui investigando e dos casonan.
Fuente: RCN Noticias